掃呢頁CODE去手機

2016年9月22日 星期四

都係八六年港姐  48歲吳婉芳靚絕美魔 隱退 13年林其欣肥爆現身 [壹週刊 - 1385] __,吳婉芳, 林其欣, 港姐, M1,

沒有再做幕前,林其欣成個樣唔同晒,樣貌同身形都嚴重走樣。娛頭都係八六年港姐 48歲吳婉芳靚絕美魔 隱退13年林其欣肥爆現身48歲靚太吳婉芳,絕對是港姐中頂班級別,純天然零P圖,多年來橫掃凍齡美魔女界別。同樣是86年港姐,最近在深夜重播劇集《創世紀》中同羅嘉良有不少對手戲的林其欣,也曾樣靚身材正。但自從02年拍完《談判專家》,林其欣便絕跡娛樂圈,只偶然出席「慧妍雅集」活動,銷聲匿跡多年的她,51歲, ...


沒有再做幕前,林其欣成個樣唔同晒,樣貌同身形都嚴重走樣。

娛頭

都係八六年港姐  48歲吳婉芳靚絕美魔 隱退 13年林其欣肥爆現身

48歲靚太吳婉芳,絕對是港姐中頂班級別,純天然零 P圖,多年來橫掃凍齡美魔女界別。同樣是 86年港姐,最近在深夜重播劇集《創世紀》中同羅嘉良有不少對手戲的林其欣,也曾樣靚身材正。

但自從 02年拍完《談判專家》,林其欣便絕跡娛樂圈,只偶然出席「慧妍雅集」活動,銷聲匿跡多年的她, 51歲,雙下巴水桶腰兼備,加上打扮似足師奶,同吳婉芳相比,分別何其大!

林其欣在等的士時專注玩手機,但等了十幾分鐘都未輪到她上車,她開始顯得不耐煩。

當年林其欣選港姐屬於次熱門,最後只入到頭五名。

其間有位女友人陪林其欣一齊等車傾偈。

近排深夜重播《創世紀》,林其欣同羅嘉良在戲中有唔少對手戲。

保鮮功夫了得

八六年一屆港姐,只有吳婉芳、林其欣及崔嘉寶加入娛樂圈,當中吳婉芳九三年嫁入豪門,為老公胡家驊誕下兩子一女,絕跡幕前。如今大仔已經廿二歲,不過吳婉芳保鮮功夫了得,絕對是歷屆港姐之冠。

同三十年前選港姐時相比,已經四十八歲的吳婉芳無論身形外貌,都保持一份少女味,看來純天然無添加,得天獨厚。

日前,本刊見她與大仔 Caspar同行中環,零妝但戴住茶色眼鏡的她,著住彩色間條裙襯 Hermes手袋,四十八歲?係真唔係呀!

吳婉芳同十八歲細女拍埋一齊,少女味依然好濃,加埋個哈哈笑手機套, cute到爆。

吳婉芳是頂頭大熱,成了三料亞軍。

吳婉芳同大仔 Caspar行街,兩母子感情好好,阿仔不時會搭住阿媽膊頭一齊行。

退出轉做傳銷

與吳婉芳同屆的林其欣,○三年離開大台後偶然亦會出現「慧妍雅集」活動,但有指從事香薰傳銷生意的她,近幾年已絕跡「慧妍」的活動。

早前本刊在銅鑼灣發現隱身多時的林其欣,多年冇見,樣貌和外形都變化極大。過去在大台劇集中常被安排飾演狐狸精或性感美女,如今脹了三個碼,著住間條短裙的她,變成一個圓碌碌師奶。

推三推四唔見人

事實上,眼前的林其欣除了渾身腫脹,凸出並出現大細的雙眼,亦十分異相;面目全非的她,與一名女友人在銅鑼灣百德新街的士站等的士,但等了十多分鐘,仍未輪到上車,原本篤住手機的她,開始唔耐煩,黑晒口面。

「近呢兩三年,每次嗌 Josephine(林其欣)出嚟見面,佢總係推三推四。有啲朋友之前見到佢個樣咁腫,對眼又凸晒,都有問過佢係咪身體出咗問題,但 Josephine就話自己冇嘢。大家見佢成日將自己收收埋埋,都有擔心,唔知係咪真係身體有事。」知情者說。

林其欣就算冇做幕前,早前都有參與「慧妍雅集」活動,但近六七年連這些聚會都極少出現。

林其欣參選嗰屆,有張國榮做主持,在泳衣問答環節,張國榮負責問林其欣問題。

今年初一班八六年港姐聚會,林其欣當時都有出席,當日佢個樣都仲認得出。

近年林其欣甚少同圈中人有交往,唯獨陳法蓉例外。

吳婉芳同林其欣都算老友,兩人不時會約會。

吳婉芳當年一選完港姐就獲大台力捧,又同劉德華合唱過。

成為闊太的吳婉芳,經常陪老公胡家驊入馬場,每次出現總係靚絕馬場。

桃色新聞

現年 51歲的林其欣, 86年選香港小姐前做過 model,也曾任職商台 DJ,有傳她被陳輝虹及安格斯同時追求,兩男在商台大堂相遇,大打出手,搞到玻璃大門爆碎。

落選後,林其欣簽約無綫,拍過《天倫》、《創世紀》、《天地豪情》等劇集,之後亦曾過檔亞視; 03年退出幕前,轉戰商界做傳銷,甚少露面。

不老女神

70、 80年代是港姐盛世,質素高班,即使時至今日,不少昔日港姐憑住獨門的養生秘技,保鮮凍齡,樣貌、身材變得與真實年齡不相符

朱玲玲

現年 56歲的朱玲玲,是 77年港姐冠軍,氣質高貴優雅,被稱為永遠最美麗港姐。

趙雅芝

73年參選第一屆港姐的趙雅芝,入選最後五強並得第四名,年前「登六」生日,著住短裙仔保養得宜的她,外貌仍看似四十出頭。

李美鳳

有「電眼美人」之稱的李美鳳,雖已是兩子之母,但身材風采,絕對勝過一班 80後。

鍾楚紅

19歲參選港姐的鍾楚紅, 94年婚後息影至今,依然明艷照人。

撰文、攝影、攝錄:娛樂組


鍾意就快D Share啦!