掃呢頁CODE去手機

2016年10月20日 星期四

《使徒》收得《星廚》摘冠 佘詩曼手風超順 [壹週刊 - 1389] __,佘詩曼,M1,

同你吟一吟《使徒》收得《星廚》摘冠 佘詩曼手風超順見到大閘蟹登場,就等如夠鐘換冬裝!《壹》仔早排就响金鐘太古廣場,見到釘姐佘詩曼,約埋11年選過港姐,喺大台只係蛋散嘅梁麗翹,同個圈外朋友喺Cova飲下午茶,tea咗大半個鐘就埋單,因為要爭取時間巡鋪換季,事不宜遲。MiuMiu、Prada、Dior逐間睇,阿佘同梁麗翹好快就响Prada買到心頭好。見到鏡頭,阿佘笑晒揮手,又自動報料,話訂咗啲新嘢諗住 ...


同你吟一吟

《使徒》收得《星廚》摘冠 佘詩曼手風超順

見到大閘蟹登場,就等如夠鐘換冬裝!《壹》仔早排就响金鐘太古廣場,見到釘姐佘詩曼,約埋 11年選過港姐,喺大台只係蛋散嘅梁麗翹,同個圈外朋友喺 Cova飲下午茶, tea咗大半個鐘就埋單,因為要爭取時間巡鋪換季,事不宜遲。

Miu Miu、 Prada、 Dior逐間睇,阿佘同梁麗翹好快就响 Prada買到心頭好。見到鏡頭,阿佘笑晒揮手,又自動報料,話訂咗啲新嘢諗住今日得閒嚟攞,點知啲貨未運到香港……

孭飛嘅《使徒行者》電影版响內地收過六億人仔,跟住參加江蘇衞視真人騷《星廚駕到》,袋一大筆仲要入到總決賽攞埋冠軍,獎金獎品都有,手風咁順,釘姐換季使錢,更加唔使手軟。

揀袋試帽,同行圈外朋友就幫手搵衫,阿佘望吓,似乎唔啱心水。

阿佘約埋梁麗翹去 shopping,話咁快就有收穫。

飲 tea期間,阿佘講電話多過食。

喺名店俾強國人捉住集郵,阿佘無任歡迎。

撰文:八珍


鍾意就快D Share啦!