掃呢頁CODE去手機

2016年12月1日 星期四

毛舜筠冇癮拒添食 《八時入席》十個月玩完 [壹週刊 - 1395] __,毛舜筠,M1,

娛樂偵訊毛舜筠冇癮拒添食 《八時入席》十個月玩完大台處境劇《八時入席》超「短命」,今年四月才開播,明年一月尾便玩完。皆因幕後hea做劇本差,向來對工作有要求的毛舜筠沒發揮之餘,竟被指多事。有人更玩針對,令她主角變配角。冇癮心死,毛姐拒再添食。冇咗主角,劇集十個月玩完!幕後hea做唔配合之前新《愛.回家》收視插水,為挽回頹勢,大台搵毛舜筠回巢擔正《八時入席》。毛姐碌盡人情咭,搵黎耀祥和陳國邦拍住上, ...


娛樂偵訊

毛舜筠冇癮拒添食 《八時入席》十個月玩完

大台處境劇《八時入席》超「短命」,今年四月才開播,明年一月尾便玩完。皆因幕後 hea做劇本差,向來對工作有要求的毛舜筠沒發揮之餘,竟被指多事。有人更玩針對,令她主角變配角。冇癮心死,毛姐拒再添食。冇咗主角,劇集十個月玩完!

幕後 hea做唔配合

之前新《愛.回家》收視插水,為挽回頹勢,大台搵毛舜筠回巢擔正《八時入席》。毛姐碌盡人情咭,搵黎耀祥和陳國邦拍住上,連影帝秋生都俾面客串,可惜幕後 hea做唔配合,令毛姐非常受氣。

「當初 TVB應承毛姐好多嘢,話會做好製作,拍番套好嘅處境劇省招牌,所以佢先至出番嚟拍,仲親自游說阿邦同祥仔接套劇。不過開拍之後係兩回事,毛姐睇到劇本就滴汗,佢提議執靚啲個劇本,初時大家有敷衍吓,慢慢就冇乜理佢。可能嫌佢多事,佢啲戲仲愈來愈閒散,冇乜發揮,明眼人知乜嘢事,連網民都話佢個角色似配角。」知情人說。

處境劇向來長拍長有,相當長壽,而且《八時入席》收視有起色,上週三線劇集的平均收視以《八時》最高,平均有二十三點六,比黃金時段的《幕後玩家》平均得二十三點更強。雖然有佳績,但毛舜筠十分冇癮,堅拒續約添食,已正式向曾勵珍請辭。冇咗主角,《八時》惟有叫停,劇組十二月收機,一月尾便正式停播。

黎耀祥和毛姐的感情線本來大有發揮空間,可惜未被好好利用。

黃秋生俾面毛姐,幫手客串《八時入席》,非常難得。

為了在劇中有最佳拍檔,毛姐親自游說已離巢的陳國邦和黎耀祥加入劇組。

毛姐和黎耀祥希望《八時入席》創佳績,由宣傳到拍攝都盡晒力,可惜工作人員不配合。

《一屋》班底頂上

「 TVB冇諗過毛姐會咁堅決,所以佢唔拍令大家都好頭痕。珍姐見《一屋老友記》反應好,惟有臨時臨急搵部分《一屋》班底,包括呂慧儀同張彥博,加上豹哥單立文,打造新處境劇頂上。不過《八時》搞咗咁耐先有起色,而家又突然叫停,都幾可惜。」知情人說。

《一屋老友記》部分班底被急召拍新一套處境劇,代替《八時入席》。

豹哥有份拍新一套處境劇,有望更加「入屋」。

理應長壽

大台的處境劇向來長播長有,由八十年代經典的《香港八一》至《香港八六》系列,九十年代播足五年的《真情》,二千年的《皆大歡喜》,全部都非常「長壽」。近年幾套處境劇亦反應不錯,所以《八時入席》咁短命都算異數。

劇集/播影日期/集數

《同事三分親》/07年 3月至 08年 8月/364

《畢打自己人》/08年 10月至 10年 2月/337

《愛.回家》/12年 5月至 15年 7月/804

撰文、攝影、攝錄:娛樂組


鍾意就快D Share啦!