掃呢頁CODE去手機

2017年2月24日 星期五

【獨家】偕新歡嘆tea密密傾? 何傲兒:希望可以生個BB出嚟 __,傲兒,何傲兒,

曾經周旋喺79歲林建名同32歲周子揚之間嘅何傲兒,嗰陣俾人影到陪林建名睇演唱會,但係轉個頭影到傲兒同周子揚拍拖埔行街連環啜咀13嘢(新聞連結:http://bit.ly/2lbqoGE),不過有時唔到最後都唔知邊個係羸家!事關轉個頭何傲兒約滿離巢,仲簽埋畀林建名旗下嘅大名娛樂,而周子揚呢?佢哋分手之後,仲有傳何家向周子揚每月苛索廿萬生活費,結果搞大家反面收場!(新聞連結:http://bit.ly ...


曾經周旋喺79歲林建名同32歲周子揚之間嘅何傲兒,嗰陣俾人影到陪林建名睇演唱會,但係轉個頭影到傲兒同周子揚拍拖埔行街連環啜咀13嘢(新聞連結:http://bit.ly/2lbqoGE),不過有時唔到最後都唔知邊個係羸家!事關轉個頭何傲兒約滿離巢,仲簽埋畀林建名旗下嘅大名娛樂,而周子揚呢?佢哋分手之後,仲有傳何家向周子揚每月苛索廿萬生活費,結果搞大家反面收場!(新聞連結:http://bit.ly/2kPbbis)回復單身嘅傲兒,一直專心工作,除咗登台搵錢之外,早前亦有為歌神許冠傑嘅演唱會做古箏伴奏,而感情方面呢?真係水靜鵝飛,不過日前有讀者Suki透過《蘋果》嘅「爆相爆片」,發現傲兒同一個男士喺尖沙咀海港城嘅COVA嘆tea,讀者Suki話:「佢哋坐低邊食邊傾,已經傾咗差唔多個幾鐘,見佢哋傾得好開心,不過坐坐吓轉去咗去另一個位,所以唔係清楚佢哋做啲乜嘢!」事後傲兒接受《蘋果》訪問,佢哈哈笑話:「嗰個係音樂監製Alan,係經理人介紹俾我認,因為今年最大嘅目標都希望喺音樂方面,希望可以生個bb出嚟,我自己都作咗幾首歌,公司聽完都揀咗一首,我自己覺得有好多地方都要改進,Alan俾咗我好多意見。」傲兒BB仲話:「除咗音樂之外,我自己都有好多目標,亦多咗好多機會,好似多咗機會喺大陸做嘢,所以覺得好開心。」至於感情方面,傲兒就話:「順其自然喇,我自己都有諗過吓拍拖,但係呢啲嘢同作曲一樣,冇得心急,我阿媽成日都笑我,叫我煲好啲湯先!」

何傲兒日前被影到同一名男性去COVA嘆tea(讀者Suki提供圖片) 之後仲調埋位(讀者Suki提供圖片)
(讀者Suki提供圖片) 何傲兒唯一承認過嘅男友周子揚 佢離開大台後,就簽簽大名娛樂

來源 source: http://s.nextmedia.com
鍾意就快D Share啦!