掃呢頁CODE去手機

2017年3月25日 星期六

鄧兆尊百幾蚊氹掂醋女友變護法 __,鄧兆尊,兆尊,

兆尊三人行拍拖,車厘子及Carmen(左)化身左右護法傍實。
鄧兆尊百幾蚊氹掂醋女友變護法身為「香港Johnny嗒」的鄧兆尊一拖三女友游刃有餘,日前攜同大婆Carmen及二奶車厘子出街拍拖,車厘子以「灣仔春麗Lo ...


鄧兆尊百幾蚊氹掂醋女友變護法

身為「香港Johnny嗒」的鄧兆尊一拖三女友游刃有餘,日前攜同大婆Carmen及二奶車厘子出街拍拖,車厘子以「灣仔春麗Look」電暈兆尊,搞到Carmen冇癮兼面燶燶!兆尊見勢色不對,立即帶兩女買零食,花了百多元就氹掂兩女,Carmen更主動掃兆尊背脊示好,最後大婆二奶齊齊「G4」上身護實兆尊返歸,溫馨又和諧!

已故慈善伶王新馬師曾長子鄧兆尊雖然年屆50,但魅力沒法擋,經常一拖三女友在灣仔及銅鑼灣上演「四人行」,御女有術的他被封為「香港Johnny嗒」!3名女友Carmen、Cherry(車厘子)及Claire在他眼中相處愉快,更建立群組講明每日誰是「主打」,而他抵得諗的性格,亦令3個女人心甘情願分享一個男人。

買零食打破僵局

日前晚上7時許,兆尊帶同Carmen及車厘子離開永祥大廈,唯獨不見Claire。當晚車厘子悉心打扮,側孭小手袋,頭紮可愛小丸子髮髻,並以巨型花花頭飾點綴,一副「灣仔春麗Look」,相比一身黑沉沉打扮的Carmen算是相當搶鏡!車厘子除了悉心打扮外,更全程電力十足狂冧兆尊,不時笑嘻嘻拋媚眼,Carmen看在眼裏,面色比身上的黑衣更黑!

車厘子悉心打扮取悅兆尊。
  • 車厘子悉心打扮取悅兆尊。
眼見車厘子如此風騷,Carmen(左)嬲到擰歪面!
  • 眼見車厘子如此風騷,Carmen(左)嬲到擰歪面!
Carmen買完零食下晒火,仲出手掃兆尊背脊。
  • Carmen買完零食下晒火,仲出手掃兆尊背脊。

三人步往灣仔搵食,未幾就入商場食快餐,半小時後醫飽肚步出,心細如塵的兆尊眼見Carmen面燶燶,主動帶兩女去買零食,三人在店內你一句我一句有商有量,即時打破僵局!Carmen和車厘子雀躍地揀肉乾,兆尊則雙手插袋,笑意盈盈地望着兩女,見店員包好肉乾後第一時間付款,只用了百多元就冧掂兩個女友!買完肉乾,兆尊再帶兩女行零食店,女友們見到零食立即雙眼發光,當然今次同樣是兆尊埋單!

鄧兆尊用零食氹掂兩女,笑容好得戚喎!
  • 鄧兆尊用零食氹掂兩女,笑容好得戚喎!
冇辦法,我錯在魅力沒法擋!(設計對白)
  • 冇辦法,我錯在魅力沒法擋!(設計對白)
  • 放大圖片

Carmen出手掃背

三人食完飯兼買完零食,只消費數百元已氹得人人開心,Carmen和車厘子一臉滿足,離開時更自動波「G4」上身,化身左右護法傍實兆尊步行回家。行到寓所附近,Carmen突然出手溫柔地輕掃兆尊背脊,似乎已傾掂當晚誰是「主打」!

文、攝:追蹤組


鍾意就快D Share啦!